Nagpagawas hin Navigational Warning an Coast Guard para ha Balikatan Exercises ha Leyte
Nagpagawas hin pahimatngon an Philippine Coast Guard pinaagi han Coast Guard District Eastern Visayas (CGDEV) agud magpasidaan ha ngatanan nga mapalawud ha may kadagatan sakup han San Pedro Bay.
An pahimatngun in kaparte han gin bubuhat nga military exercise ilarum han Balikatan.
Ha pahimatngon nga gin pagawas han Coast Guard pinaagi kan Commodore Jonathan Marfil, mahinanabu an military exercise ha may kadagatan han San Pedro Bay tikang Mayo 5 tubtub Mayo 7.
“In this regard, all ships and watercraft transiting within or near the affected areas during the specified dates are advised to exercise extreme caution, maintain vigilance, and take all necessary precautionary measures at all times,” subay ha pahimatngon han Coast Guard District Eastern Visayas.
Dugang pa han Coast Guard nga kinahanglan nga magin alerto ngan sundon an ngatanan nga safety measures basi malikayan an bisan ano nga disgrasya o insidente samtang ginbubuhat an military exercise
Source: RMN Tacloban