Dakop sa ginpatigayon nga buy-bust operation ang mag-utod matapos makuhaan sang P680,000 nga balor sang suspected shabu sa Purok Fatima 2, Brgy Sum-ag, Bacolod City alas-2:24 kahapon sang kaagahon, May 5, 2026.
Ginkilala ang mga subject person nga sanday alyas Em-em, 35-anyos, lalaki kag ginakabig nga High Value Individual kag ang magulang sini nga babayi nga si alyas Polite, 42-anyos, ginakabig nga Street Level Individual, lunsay wala sang asawa, wala sang trabaho kag residente sa nasambit nga lugar.
Narekober sa mga ini ang 100 grams sang suspected shabu nga may standard drug price nga P680,000. Suno kay Police Lt Col. Albert Sy, Chief sang Bacolod City Drug Enforcement Unit kag Bacolod City Intelligence Unit, ang subject ang mag-utod kag ang lalaki ang nadakpan na sadto bangud man sa illegal nga druga ukon paglapas sa RA 9165 kag nakagwa sang 2016, may yara man sang kaso nga homicide sang 2019, ini ang imbulbado man sa asod-asod nga kaso sang robbery incidents, shooting incidents kag kilala nga nagatuga sang gamo sa ila nga lugar.
Siling pa ni Sy, ang babayi ang subject man sa drug buybust operation sadto apang subong lamang nadakpan.
Ang lalaki ang High Value Individual samtang sa karun ginapreparar pa ang dokyumento sa pagpasaka sang nagakaigo nga kaso subong nga adlaw batok sa mga ini. Lantawon pa kun may yara sang existing warrant of arrest ang lalaki sa mga nagkaladakpan.