Gi-amendahan sa Malacañang ang unang proklamasyon niini diin gipalapdan pa ang mga lugar nga gipaubos sa Special Non-Working Days sa Sugbo nga maoy host sa gipahigayong nga 48th ASEAN Summit ug ubang related meetings sugod karong adlawa, Mayo 6 hangtod sa Mayo 8, 2026.
Lakip na nga gideklarar nga Special Non-Working Days ang Cebu City ug Mandaue City gawas sa unang gideklarar nga Lapu-Lapu City ug lungsod sa Cordova.
Segun sa Malacañang, ang paglakip na sa Cebu City ug Mandaue City sa gideklarar nga Special Non-Working Days sa ASEAN Summit gikonsidera nga ‘necessary’ tungod kay giila usab kini isip key locations ug transport routes alang sa mga delgado nga motambong sa 2026 ASEAN Summit.