Posible nga ang grupo sang mga rebelde nga naka-engkwentro sang 15th Infantry Battalion sa Barangay Caliling sang nagligad nga semana amo man ang nakasagupa sang 47th IB sa banwa sang Cauayan sini gid lang nga Lunes sang aga, Mayo 4.
Suno kay Lieutenant Colonel Dennis Martinez, Commanding Officer sang 47th IB, posible nga may mga pilason sa bahin sang Southwest Front, New People’s Army (NPA) bangud sa mga tinulu sang dugo nga nakit-an sa encounter site.
Ginpahayag pa ni Martinez nga naglawig sang lima ka minutos ang bayluhanay sang lupok sa tunga sang duha ka grupo.
Sa karon, ginkumpirmar sang opisyal nga yara na sa hot pursuit operation ang iya mga tinawo agud matumod kon pila gid ka katapo sang rebelde ang nakasabak sang militar sa amo nga engkwentro.
Source: K5 News FM Kabankalan