Waray makatalwas an usa nga lalaki mahuman ini pagbun-on ha Brgy. San Jose, Maasin City, Southern Leyte, kanina banda alas 12:01 han maagahon, April 29, 2026.
Ginkilala an biktima nga hi alyas “Tor,” 55-anyos nga welder, inasaw-an, ngan residente han Brgy. San Jose, Maasin City, Southern Leyte.
An suspek naman in ginkilala ha alyas nga “Me,” 50-anyos nga panday, ngan residente gihapon han mao nga barangay.
Ha inisyal nga imbestigasyon han mga otoridad, nag iinom an suspek ngan an biktima ha panimalay han nagbibirthday nga hi alyas “Mel” ha Brgy. San Jose, Maasin.
Mahuman an selebrasyon, samtang pauli, gin aaligar nagkamayada away an suspek ngan an biktima. Umuli an suspek, ngan bumalik dara an matarom nga armas hini, ngan ginbuno an biktima ha iya lawas.
Nadara pa an biktima ha Salvacion Oppus Yñiguez Memorial Provincial Hospital pero gindeklara nga dead on arrival han doktor banda alas 12:56 han maagahon.
Boluntaryo liwat nga nagsurender an suspek ha PCP1 – Maasin City Police Station, ha Brgy. San Rafael, Maasin City. Samtang, an 19 ka pulgada nga armas nga gin gamit ha krimen in ginturn over naman han misis han suspek ha nagresponde nga kapulisan.
Yana in ada na ha kustodiya han Maasin CPS an mao nga responsible han krimen para han sakto nga disposisyon.
Source: RMN Tacloban