ILOILO CITY — Dakup ang “runner” sa pagbaligya sang illegal nga druga sang nakuhaan sang malapit tunga sa million nga balor sang suspected shabu sa Brgy. Legaspi dela Rama, City Proper kahapon sang kaagahon.
Suno kay Police Captain Roque Gimeno III, chief sang City Drug Enforcement Unit, yara sa Bureau of Jail Management and Penology (BJMP) sa Ungka, Jaro ang contact sang subject nga si alyas Reb-reb, 26-anyos, residente sang Barangay Maria Clara, City Proper.
Nagakuha naman siya sang supply sang illegal nga druga sa Bakhaw, Mandurriao agud ibaligya sa iya mga parokyano sa City Proper.
Nakuha sa subject ang walo ka sachets sang suspected shabu nga ginabanta nagabug-at 65 gramos.
Source: Aksyon Radyo IloIlo