Makatilingala para kay Punong Barangay Romeo Sultan sang Barangay Salamanca, banwa sang Toboso, ang rason sang pila ka persona tuhoy sa pagpatigayon sang pagtuon sa renewable energy sa ila lugar bangud wala gid sang bisan isa ka solar power plant nga nagatindog sa ila nasakupan.
Bangud sini, ginbuyagyag sang opisyal nga wala sang kamatuoran ang gina-alegar nga immersion sang mga grupo nga kuno naga-research sa epekto sang solar energy sa mga mangunguma.
Ginklaro man ni Sultan nga wala gid sang may nagpadulong sa iya opisina agud maglisensya ukon magpahibalo sang anuman nga lehitimo nga aktibidad sa mga sitio sang Salamanca.
Bilang sabat sa mga nagalapta nga report, hugot nga nanindugan ang kapitan nga wala siya sang may nabaton nga abiso kag wala sang pormal nga koordinasyon nga natabo para sa nasambit nga kalihukan sa ila baryo.
Source: DYJU K5 Sagay 89.7