Ginransak ang isa ka Pawnshop sa banwa sang Calinog, Iloilo sang Domingo nga adlaw, Abril 26.
Sa interview sang Bombo Radyo kay Police Major Myles Dieron, hepe sang Calinog Municipal Police Station, iya ginpahayag nga ginhunggod sang mga suspek nga wala sang may mag duty sang Domingo nga adlaw kag ginkawatan ang pawnshop.
Suno pa sa iya nga posible nag-agi ang mga kawatan sa drainage area nga may distansya nga mga lima ka metro halin sa lugar.
Suno pa sa iya nga nadiskubrehan na lang sang mga empeleyado sang pawnshop nga nga may bakbak na ang salog sini, Lunes nga adlaw.
Sa subong, padayon pa ang imbestigasyon sang kapulisan agud mahibaluan ang kantidad nga nakuha sang mga suspek kag agud matul-id ang mga suspek nga responsible sa sini nga pagkawatay.
Source: Bombo Radyo IloIlo