Nagpanawagan ang gobernador sa Negros Occidental sa mga rebelde nga New People’s Army nga buy-an na ang armas kag magbalik sa sabak sang gobyerno.
Ini kasunod sa nagluntad nga engkwentro sa Brgy Salamanca, Toboso sa tunga sang NPA kag militar nga nagresulta sa pagkamatay sang 19 ka mga rebelde.
Sa pahayag ni Governor Eugenio Jose “Bong” Lacson, ginakasubo sini ang insidente bangod sa ulihi, ang mga napatay ang parehas man nga Pilipino.
Panawagan sini sa mga nabilin pa nga miyembro sang NPA nga magsungka na kag magbalik na sa sabak sang gobyerno.
Gingamit sini nga palaangiran ang mga former rebels nga nauna na nga nagsungka kag may maayo na nga pagpangabuhi.
Pasalig ni Lacson nga luwas sa bulig sang National Government, yara man ang Provincial Government nga handa maghatag sang interventions sa mga luyag na magbag-o sang pagpangabuhi.
Sila ang nagahatag sang financial, livelihood kag education assistance.
May mga gina-offer man nga housing kag relocation site para sa mga nagabalik sa sabak sang gobyerno.
Source: Bombo Radyo Bacolod