Narekober sang mga otoridad ang napulog-siyam (19) ka bangkay sang ginapatihan mga katapo sang New People’s Army (NPA) kasunod sang nagluntad nga engkwentro sa Barangay Salamanca, Toboso, Negros Occidental. Ang insidente nagluntad bangud sang operasyon sang militar batok sa ginahingadlan nga presensya sang rebelde sa lugar.
Sumala sa inisyal nga report, ginrespondehan sang mga tropa sang gobyerno ang presensya sang armadong grupo nga nagresulta sa mabaskog nga pinusilay. Matapos ang engkwentro, nadiskubrehan ang mga bangkay sang mga rebelde sa lugar, kaupod ang nabilin nga mga armas kag kagamitan sa pakig-away.
Padayon ang clearing operations kag imbestigasyon sang mga otoridad sa nasambit nga lugar agud maseguro ang kaluwasan sang mga residente kag matukiban ang iban pa nga detalye may kaangtanan sa insidente. Gindumdom man sang mga otoridad sa publiko ang pagpadayon sang kooperasyon agud mapabilin ang kalinong kag katawhayan sa komunidad.
Source: Bombo Radyo Bacolod