Patay an usa nga gin-aalegar miyembro han Communist Terrorist Group (CTG) ha nahitabo nga engkwentro kontra mga sundalo ha Brgy. Salvacion, Jiabong, Samar, Biernes han aga, Abril 17.
Sumala ha Philippine National Police, nahitabo an engkwentro alas-6:45 han aga samtang nagbubuhat hin combat operation an tropa han Armed Forces of the Philippines kontra ha mga rebelde nga gin-aalegar miyembro han Yakal Platoon.
Ha report, ginbabana-bana nga upat nga armado nga suspek an naka-engkwentro han tropa, nga nagresulta han kaawat han kinabuhi han usa nga waray pa makilal-e.
Narekober ha lugar han insidente an usa nga M4 Bushmaster rifle, samtang padayon an scouring operation han militar ha nasabi nga lugar.
Waray naman casualty ha bahin han gobyerno, samtang naghuhulat pa an kapulisan han clearance tikang ha AFP antes magpadayon an crime scene processing ngan imbestigasyon.
Photo Credits to Storm Troopers Division
Source: #RMNTaclobanNews