Ginkumpirmar sang Philippine Army ang pagkapatay sang 10 ka miembro sang Dawlah Islamiya–Maute Group (DI-MG) sa joint operations sang 103rd Infantry (HARIBON) Brigade kag 1st Infantry (TABAK) Division sang Philippine Army, upod sa taga-Criminal Investigation and Detection Group, Regional Special Operations Team, kag mga otoridad sa Bangsamoro Autonomous Region in Muslim Mindanao (BARMM) sa Marantao, Lanao del Sur subong nga aga.
Gina-angut ang mga napatay sa sunod-sunod nga mga kalakasan, lakip ang pag-ambush sa banwa sang Munai, Lanao del Norte sang Enero 23 subong nga tuig nga nagpatay sang apat ka soldado.
Sa operasyon subong nga aga, wala sang napatay sa government forces, suno sa Army.
Magluwas sa mga napatay nga Maute members, may na-recover pa nga mga pusil, explosive device, kag improvised explosive components.
Source: Philippine Army