Nagpartisipar an mga personnel han Task Force AYUDA han 8th Infantry Division, ha tulo ka adlaw nga Medical Response Training.
An paghag-id medikal in ginpangunahan han mga instruktor tikang ha United States Army komo kabahin han ira preparasyon para han maabot nga Exercise Balikatan 2026.
Katuyoan han aktibidad an pagpadukwag pa han kapasidad han TF AYUDA ha madagmit nga medical response, labi na ha paghatag hin life-saving interventions ha butnga han disaster response ngan humanitarian operations.
Iginpapakita liwat hini nga training an marig-on nga relasyon ngan interoperability ha butnga han Armed Forces of the Philippines ngan han United States Army, samtang ginpapakusog an kaandaman han mga sundalo ha pag-atubang hin nagkalain-lain nga kalamidad ngan krisis.
Pinaagi hini nga mga inisyatibo, ginpapabaskog han 8th Infantry Division an ira mensahe nga an ira organisasyun usa nga propesyonal, andam, ngan makatawo nga pwersa—natutuk diri la ha seguridad kundi upod ha pagtalwas hin kinabuhi ngan pag-alagad ha katawhan.
Photos credit to 8th ID
Source: #RMNTaclobanNews