Ginpaidalom sa water quality analysis sang Local Government Unit sang Panay Capiz, ang ginapahayag nga kontaminado nga tubig sa suba nga sakop sang Barangay Magubilan.
Ini kasunod sang mga report nga may pila ka indibidwal nga nakabatyag sang pagpalangatol sang lawas matapos magpaligo sa amo nga suba.
Suno kay Panay, Capiz Mayor Jonathan “Sonny” Besa, iya ginpahayag nga sang mabaton ang report, gilayon ini nga nagpadala sang request letter sa Municipal Environment and Natural Resources Office (MENRO) agud matumod ang rason sang pagpalangatol sang mga apektado.
Ginaabisuhan sang alkalde ang mga residente nga malapit sa suba nga likawan ang pagpaligo kag paggamit sang tubig halin sa suba.
Ginadumilian man ang pagkuha sang isda sa suba samtang ginahulat ang official results sang water quality analysis.
Source: Bombo Radyo Roxas