Patay ang isa ka senior citizen matapos mabungguan sang isa ka Ford Ranger nga pick-up samtang nagakay-o ini sang iya nga salakyan sa bahin sang National Highway sang Purok Talotog, Barangay Dulao, Bago City, Negros Occidental kahapon, Abril 11, pasado ala-1:00 sang hapon.
Ang biktima ang ginkilala nga si alyas “Jose”, 64-anyos, residente sang residente sang Purok Nami-nami, Barangay Sum-ag, Bacolod City, samtang ang driver sang pick-up ang ginkilala nga si alyas “Ruben”, 68 anyos, residente sang Las Villas Subdivision, Barangay Villamonte, Bacolod City.
Sa inisyal nga imbestigasyon, ang pick-up ang padulong sa Barangay Sum-ag sang aksidente nga nabungguan si Jose nga nagakay-o sang nagguba sini nga truck nga naka-park sa direksyon pakadto sa Sum-ag, Bacolod City.
Gindeklarar dead on arrival ang nagakay-o sang salakyan, samtang ang driver sang pick-up kag ang salakyan sini ang gindala sa Bago City Police Station para sa nagakaigo nga disposisyon.
Souce: Bombo Radyo Bacolod