Waray makalusot ha mga otoridad an usa nga lalaki mahuman ini makuhaan hin gin aaligar shabu ha ginbuhat nga buy-bust operation ha Catarman, Northern Samar, banda alas 10:15 han gab-i, ngada han Abril 11, 2026.
Ha pinag-usa nga pwersa han Provincial Drug Enforcement Unit (PDEU), Catarman Municipal Police Station, ngan han Provincial Intelligence Unit (PIU), naaresto an usa nga 46-anyos nga lalaki, residente han UEP Zone II, Catarman, Northern Samar.
Nakompiskar tikang ha suspek durante han mao nga operasyon an pito (7) kapakete hin gin aaligar shabu, nga mayada ginbabana bana nga timbang nga 0.81 grams, ngan ginbabana bana Standard Drug Price nga P5,508. Lakip gihap nga nakompiskar an buy-bust money, non-drug evidence, ngan personal nga mga higamit.
An suspek in mag-aatubang hin kaso ha pagtalapas han Sections 5 and 11 han Republic Act No. 9165 o Comprehensive Dangerous Drugs Act of 2002.
Source: RMN Tacloban