Nagpagwa sang opisyal nga pahayag ang Philippine National Police (PNP) sa pagpanguna ni Police General Jose Melencio C. Nartatez Jr., Chief, PNP, parte sa shooting incident nga natabo sa Ateneo de Zamboanga University–Junior High School Department sa Tumaga, Zamboanga City sang Martes, Agosto 18, 2026.
Samtang nagapadayon ang imbestigasyon, ginapangabay ang publiko nga indi magpalapta sang mga litrato, video, ukon impormasyon nga wala pa napamatud-an agud malikawan ang paglapta sang indi husto nga impormasyon.
Nagapadayon man ang Police Regional Office 9 kag Zamboanga City Police Office sa pagtipon sang impormasyon kag ebidensya agud mahibaluan ang matuod nga natabo kag mapamatud-an ang mga detalye sang insidente.
Ginapaandaman man ang publiko nga mahimo magbag-o ang pila ka detalye samtang nagapadayon ang opisyal nga imbestigasyon. Ginapangabay ang tanan nga magsalig lamang sa opisyal nga pahayag sang PNP, eskwelahan, kag iban pa nga nagakatungdan nga awtoridad para sa husto kag masaligan nga impormasyon.