Ada ha 5,000 mil nga mga mulopyo han Tacloban an may higayun nga makapalit hin baratu nga bugas pinaagi han Benteng Bigas Meron (BBM) na!, nga gin bubuhat yana ha covered court han Brgy 106, Sto. Niño, Tacloban City.
An BBM rice program in paagi han gobyerno pagbulig ha mga kablas nga mulopyo, mga ada ha vulnerable sectors, kaupod an mga low income earners ngan mga magturutdo nga makapalit hin dekalidad ngan baratu nga bugas.
Ika-lima na ini nga hugna han pagbaligya hin baratu nga bugas han City Agriculture’s Office kaupod han National Food Authority dinhi ha Tacloban City.
Napiulo ka kilo an gin tutugut nga mapalit han kada benepisyaryo, ngan ada ha tulo ka beses kada bulan hira makakapalit hin baratu nga bugas ha mga gin hihimu nga KADIWA ng Pangulo. Kinahanglan la hin QR Code ha kada pagpalit nira. An code in igin hahatag katima magparegister dida mismo ha site kun diin gin babaligya an baratu nga bugas.
Source: RMN Tacloban