Nanawagan ang PNP sa padayong pagbantay
ug mas hugot nga pagpakigtambayayong sa komunidad sa kaluwasan sa mga tinun-an.
Matod ni PNP Chief, Police General Jose Melencio C. Nartatez, Jr. nga ang seguridad sa mga eskwelahan dili lamang responsibilidad sa mga guwardiya, CCTV cameras, ug uban pang mga lakang sa seguridad.
Dugang niya, ang seguridad sa mga eskwelahan usa ka hiniusang responsibilidad, busa giawhag ang mga ginikanan, magtutudlo, estudyante, ug komunidad nga magpabiling mabinantayon, magtukod og lig-on nga komunikasyon uban sa mga kabatan-onan, ug i-report dayon ang bisan unsang hulga o mga timailhan sa peligro nga posibleng mosangpot sa usa ka trahedya.
Ang pamahayag sa PNP subay sa pagsuporta sa panawagan ni Department of Education kun DepEd Secretary Sonny Angara nga kanunay kumustahon sa mga komunidad sa eskwelahan ang mga estudyante ug tukuron ang mas lig-on nga relasyon uban kanila.
Source: #DYHPRMNCEBU