Narekober sang mga awtoridad ang 1,100 ka reams sang peke nga sigarilyo nga may balor nga P594,000.00 gikan sa isa ka ginbayaan nga panel truck sa ginpatigayon nga operasyon sa Kabankalan City, Negros Occidental, sang Agosto 20, 2026.
Nakabaton ang mga awtoridad sang impormasyon halin sa isa ka concerned citizen parte sa isa ka salakyan nga kapin lima na ka adlaw nga ginparada sa Sitio Tapol, Barangay Salong, Kabankalan City.
Sang gin-inspeksyon sang mga pulis ang ginbayaan nga Mitsubishi panel truck, nakita sa sulod sini ang 22 ka master cases sang peke nga sigarilyo, nga may unod nga tag-50 ka reams.
“We remain relentless in disrupting the movement of illicit goods. Every successful recovery protects legitimate businesses, safeguards government revenues, and reinforces our commitment to a safer and more secure Negros Island Region,” siling ni PBGEN Romano V Cardiño, Regional Director sang Police Regional Office Negros Island Region.