Nagtikang na pagkaabut ha Tacloban City Sports Complex an mga octogenarians ngan nonagenarians nga Taclobanon basi kumarawat han ira cash gift tikang ha gobyerno.
An cash gift balur PhP10,000 in gin mamando han Republic Act No. 11982 (Expanded Centenarians Act) nga ig hatag ha ngatanan nga mga Filipino Citizens nag-e-edad 80, 85, 90, ngan 95.
An mao nga programa in gin papatuman pinaagi ha bulig han National Commission of Senior Citizens (NCSC) ha pakigsumpayan ha local government units ngan han mga Office of Senior Citizens Affairs kun OSCA.
Source: RMN Tacloban