Daling nadakpan ang usa ka lalaki nga giingong nanghulga nga ‘mamusil’ sa usa ka pribadong tunghaan sa dakbayan sa Sugbo kagahapong adlawa, Agosto 19, 2026.
Pinaagi sa hiniusang operasyon sa Police Station 3 sa Mandaue City Police Office, Police Station 1 sa Cebu City Police Office, ug Poro Municipal Police Station, nadakpan ang maong lalaki nga usa ka culinary student nga gitumbok nga responsabli sa pagpanghulga nga ‘mamusil’ sa usa ka dakong unibersidad sa syudad kagahapon.
Si alyas ‘Renz’, 20-anyos ug molupyo sa Brgy. Tabok, syudad sa Mandaue, nadakpan na sa lungsod sa Poro, Isla sa Camotes pasado alas 8:00 kagabii, Agosto 20, ug gidala sa Parian Police Station diin nahimutang ang lokasyon sa maong pribadong tunghaan.
Sa pagpakighinabi sa maong dinakpan, nagkanayon kini nga nangomedya lang siya dihang ni-comment kini sa usa ka ‘live tiktok video’ bahin sa pagpanghulga, ug nialegar kini nga wala niya kini tuyo-a.
Mag-atubang og kaso ang maong dinaksyon alang sa paglapas sa Republic Act 10175 o Cybercrime Prevention Act of 2012.