Nagpatigayon ang mga personahe sang Pamahalaang Bayan sang Ilog sang “RCSP Ugnayan sa Barangay” sa Barangay Galicia, Ilog, Negros Occidental sang ika-12 sang Mayo 2026.
Sa inisyatiba ni Hon. John Paul K. Alvarez, Municipal Mayor, nga ginrepresentar ni Hon. John Paulo M. Alvarez, Municipal Vice Mayor, malampuson nga natalana kag natuman ang aktibidad para sang panaghiusa sang mga nagakalain-lain nga sektor sang katilingban.
Kaupod sa nasambit nga buluhaton ang Ilog Municipal Police Station sa pagpamuno ni PMAJ Randy P. Babor, upod ang mga representante halin sa nagkalain-lain nga ahensya sang gobyerno kag mga lider sang barangay sa pagpanguna ni Punong Barangay Rex Yusay.
Ang katuyuan sang programa amo ang pagpalig-on sang ugnayan sang gobyerno kag katawhan paagi sa bukas nga diskusyon parte sa mga problema kag kinahanglanon sang komunidad, labi na sa kahilwayan, kalinong, kag pag-uswag.
Nagsilbi man ini nga paagi agud mapabaskog pa gid ang kooperasyon kag pagtinabangay sang tagsa ka sektor.
Ini nga inisyatiba indi lamang isa ka programa kundi isa man ka tikang padulong sa inklusibo nga pag-uswag.
Ginapakita sini nga sa likod sang progresibo nga komunidad yara ang isa ka gobyerno nga nagapamati, kag nagahimo aksyon para sa kaayuhan sang tanan.