Padayon nga gipalig-on sa Cebu City Women and Family Affairs Commission (CCWFAC) uban sa Department of the Interior and Local Government (DILG) ang gender-responsive ug inclusive nga pagdumala pinaagi sa pagpahigayon sa “GeRL Ka Ba Barangay Assessment Orientation Seminar” nga gihimo gikan Mayo 18 hangtod 21, 2026.
Gitambongan ang upat ka adlaw nga programa sa mga barangay officials, staff, ug Gender and Development (GAD) focal persons gikan sa 80 ka barangay sa dakbayan sa Sugbo.
Sa unang batch sa orientation seminar, 20 ka barangay ang mitambong aron mapalawom ang ilang kahibalo sa paggamit sa Gender-Responsive LGU (GeRL) Tool nga nagtumong sa pagsiguro nga ang mga programa ug serbisyo sa matag komunidad mahimong inclusive, responsive, ug patas alang sa tanan.
Sumala sa mga tigpasiugda, ang maong seminar kabahin sa padayon nga paningkamot sa dakbayan sa Cebu sa pagpalambo sa usa ka inklusibo ug malungtarong komunidad diin walay sektor nga mabiyaan.
Gipasiugda usab sa CCWFAC ug DILG ang kamahinungdanon sa pagtinabangay sa mga barangay aron mas mapalig-on ang mga polisiya ug programa nga naghatag og patas nga oportunidad ug proteksyon alang sa tanang katawhan, ilabi na sa kababayen-an ug ubang sektor sa komunidad.