Gipakusgan sa Inabanga Municipal Police Station ang ilang kampanya batok sa tanang matang sa ilegal nga sugal human nasikop ang usa ka lalaki nga nadakpan sa akto nga nagpahigayon og illegal “Swertres” niadtong Mayo 24, 2026, sa Purok 1, Brgy. Lapacan Sur, Inabanga, Bohol.
Ang malampuson nga operasyon gipahigayon pinaagi sa intelligence-driven nga inisyatibo sa mga personahe sa Inabanga MPS, ubos sa pagpanguna ni PLT RYAN H. LUMEN, COP, subay sa direktiba sa pagmintinar sa kahusay ug kalinaw sa komunidad.
Kini nga kalampusan anaa ubos sa hugot nga pagdumala ni PCOL PATRICIO C. DEGAY JR., Provincial Director, Bohol Police Provincial Office, kinsa padayon nga nanawagan sa publiko sa pag-kooperar aron hingpit nga mapuo ang ilegal nga sugal sa tibuok probinsya.
Ang suspek ug ang mga nakumpiskar nga ebidensya anaa na karon sa kustodiya sa kapulisan alang sa tukmang disposisyon ug pagpasaka og kasong kriminal tungod sa paglapas sa RA 9287.
Source: PNP Bohol