Nakatalaan ibalhin ha temporaryo nga lokasyon an maabot 141 nga magtirinda ha fish section han Tacloban City Public Market yana, Mayo 26, 2026, samtang ginhihingayad an pasilidad.
Temporaryo nga mapwesto ini nga grupo hin magtirinda ha luyo han ira anay pwesto ha Quezon Boulevard.
Sumala han Operations of Market, an paghingayad han fish section pagbubuhaton agud magin malimpyo ngan hapsay kitaon an lugar.
Tinikangan yana, makikit-an an magbaraligya hin isda ha ira temporaryo nga lokasyon.
Source: RMN Tacloban