Human sa tulo ka higayon nga nawad-an og panimalay tungod sa kusog nga mga bagyo, sa kataposan, aduna na gyud lugar nga matawag nilang lig-on ug luwas nga puluy-anan.
Pormal nga giturn-over niadtong Agosto 29, 2026 ngadto sa pamilya ni Tatay Eustaquio V. CadeliΓ±a sa Sitio Sentro, Barangay Katipunan, Carmen, Bohol, ang ilang bag-ong panimalay isip ika-135 nga benepisyaryo sa Libreng Alagad ug Balay (LAB) Project sa Bohol Police Provincial Office.
Kauban ang iyang kapikas sa kinabuhi nga si Nanay Marilyn ug ilang upat ka anak, dugay nang nakasinati og kalisod ang pamilya CadeliΓ±a. Sa limitado nga kita ni Tatay Eustaquio isip helper sa mga gabasero ug pinaagi sa pag-uma, iyang gipaningkamotan nga matubag ang adlaw-adlaw nga panginahanglan sa iyang pamilya.
Apan dili lamang kalisod sa panginabuhi ang ilang giatubang.
Ang ilang una ug ikaduhang panimalay parehong gianod sa mga bagyo. Ang ilang ikatulong balay, nga ilang gisaligan nga mahimong ilang kapuy-an sa mas taas nga panahon, nabungkag usab niadtong 2025 atol sa Bagyong Tino.
Tulo ka higayon nga nawala ang ilang atop, bungbong ug puy-anan-apan wala mawala ang ilang paglaum.
Karon, pinaagi sa Libreng Alagad ug Balay Project sa BPPO, in partnership with the Balay sa Paglaum Housing Initiative ni Governor Erico Aristotle Aumentado ug Congresswoman Vanessa Aumentado, nakadawat ang pamilya og usa ka disente, lig-on ug luwas nga panimalay- usa ka bag-ong sinugdanan.
Ang pagtukod sa maong panimalay nahimo pinaagi sa panaghiusa ug boluntaryong pagtinabangay sa Local Government Unit of Carmen, Bohol Police Community Affairs and Development Unit (PCADU), Barangay Council sa Barangay Katipunan ubos sa pagpangulo ni Hon. Orlando Gaudicios, Carmen Municipal Police Station ubos sa liderato ni PMAJ GERALD CASALME, Chief of Police, ug sa mga volunteers nga migahin sa ilang panahon, kusog ug kahago aron matukod ang balay alang sa pamilya CadeliΓ±a.
Sa iyang mensahe, gipasiugda ni PCOL PATRICIO C. DEGAY JR., Provincial Director,
nga ang tinuod nga sukdanan sa proyekto dili lamang ang gidaghanon sa mga balay nga natukod, kondili ang gidaghanon sa mga kinabuhi nga natandog ug nausab niini.
βNadiin-diin na kita ug daghan na usab kitang mga kinabuhi nga nausab. Kining atoang Libreng Alagad ug Balay Project, to count how many homes we give is not as important as how many lives we are making a difference.β -PCOL DEGAY JR.
Sa matag balay nga matukod, usa ka pamilya ang makabalik sa pagdamgo. Sa matag pultahan nga maablihan, adunay bag-ong oportunidad nga mosulod. Ug sa matag panimalay nga mapuy-an, adunay paglaum nga mas lig-on kaysa sa mga unos nga ilang nalabyan.
Alang sa pamilya CadeliΓ±a, ang ilang bag-ong balay dili lamang kapuy-an.
Kini mao ang pamatuod nga bisan pila pa ka higayon nga sulayan sa kinabuhi, adunay mga kamot nga andam motabang, mga kasingkasing nga andam mopadayon, ug usa ka komunidad nga dili mobiya.
Source: Bohol PNP