Arestado ang 23 anyos nga si Alyas Nonoy sa drug buybust operation nga ginkasa sang Iloilo City Police Station-10 (ICPS-10) sa Brgy. Bolilao, Mandurriao, las-7:25 subong nga gab-i, Agosto 26, 2026.
Ang subject residente sang Brgy. San Isidro, Jaro.
Suno kay PCapt. Lester Oliveros, Officer-In-Charge sang ICPS-10, nabaklan sang police poseur buyer ang subject sang isa ka plastic sachet sang ginapatihan shabu.
Narecover sa iya paghinakop ang 4 ka mga plastic sang ilegal nga druga.
Nagabug-at ang tanan nga suspected shabu sang 5 grams kag ₱34,000 ang market value.
Narecover man ang buybust money nga ₱3,000.
Gin-aku ni Nonoy nga nagabaligya siya sang ilegal nga druga sa sulod sang isa ka tuig tungod sa kapigaduhon kag naga-gamit man siya sang ilegal nga druga.
Temporaryo nga yara siya sa kustudiya sang ICPS-10.
Source: #K5NewsFMIloilo