Ada ha 286 nga mga Hybrid Coconut tree seedling an igin tanum ha Brgy Buri, Burauen, Leyte ha gin buhat nga coconut tree planting ha panguna han Philippine Coconut Authority.
Ini in kaparte han Simultaneous Massive Coconut Plating Program han buhatan nga ira gin buhat basi mabalyuan an mga gurang na nga mga kalubian nga lapus na ha ira productive age.
An tree planting han PCA gin aatenderan han mga personnel han mga buhatan han gobyerno sugad han Philippine Navy, Philippine Army, Air Force, Philippine National Police , Bureau of Fire Protection, Department of Agriculture, Eastern Visayas State University – Burauen Campus, Regional Maritime Unit – 8, provincial ngan local government units ngan mga farmers organizations.
Ada ha mil nga coconut seedlings an igin tanum durante han simultaneous coconut tree planting ha bug-os nga rehiyun pero an target han PCA nga ig tanum ha rehiyun sakub hin tulo ka bulan jin ada ha 128,000.
Upod dinhi an 150 nga coconut seedling ha bungto han Biliran, 286 ha bungto han Bontoc, 100 ha bungto han Calbiga, 150 ha bungto han Balangkayan, ngan 100 ha bungto han Catarman.
Nagtikang mananum hin coconut seedlings an PCA ngan mga coconut farmers dida han Hulyo ug mahagus ini tubtub bulan han Setyembre.
Ha kabug-ussn ada ha sobra 7 million nga coconut seedlings an ig tatanum han PCA ngan IRA mga partners ha bug-os nga nasud.
Source: RMN Tacloban