Waray lusot ha mga otoridad an usa nga high-value individual (HVI) mahuman ini makuhaan hin gin aaligar shabu durante han ginbuhat nga buy-bust operation han City Police Drug Enforcement Unit (CPDEU) ha koordinasyon han PDEA-8 ha Brgy. 109 V&G, Tacloban City, kakulop, June 8, 2026.
An naaresto nga drug suspect in ginkilala ha alyas nga “John-John,” 36-anyos, waray trabaho, ngan residente han Tacloban City.
Ha mao nga operasyon, nakumpiskar tikang ha suspek an tulo (3) kapakete hin gin aaligar shabu, coin purse, ngan gin gamit nga bogus money.
Hapsay naman nga gin markahan ngan gin imbentaryo ha lugar an mga narekober nga ebidensya, ha atubangan han mga ginkikinahanglan nga testigo, subay ha mandato han balaud.
Yana nakapailarom na an mao nga suspek ha kustodiya han of Tacloban City Police Office para han dokumentasyon ngan an pagpasaka hin kaangayan nga kaso kontra ha mao nga suspek.
Source: RMN Tacloban