Waray makasulot ha mga otoridad an duha nga kalalakin-an mahuman hira makuhaan hin gin aaligar shabu ngan gin aaligar marijuana ha ginbuhat nga buy-bust operation ha Purok 10, Brgy. Linao, Ormoc City, alas 7:20 han gab-i, kakulop, Mayo 20, 2026.
Ginkilala an mga drug suspect nga hira alyas “Marc,” 44-anyos nga electrician, ngan alyas “Ben,” 33-anyos nga vendor; pareho mga residente han Ormoc City.
Durante han mao nga operasyon, nakompiskar tikang ha mga suspek an upat (4) kapakete hin gin aaligar shabu, usa ka plastic sachet hin gin aaligar marijuana, P500 nga buy-bust money, P14,500 nga bogus money, P120 nga cash, ngan iba pa nga mga higamit.
Ginmarkahan naman ngan gin imbentaryo an mga narekober nga ebidensya ha lugar han pag aresto, ha atubangan han mga gin imbitar nga testigo subay ha mandato han balaud.
Samtang, gintutudlok pa han Regional Forensic Unit 8 an timbang ngan kantidad han nakompiskar nga gin aaligar droga. Gin aandaman na gihapon an pagpasaka han kaangayan nga kaso kontra ha mga suspek.
Source: RMN Tacloban