Waray pakalusot ha mga otoridad an duha nga lalaki nga gintudlok kumo mga high-value individual (HVI) mahuman hira makuhaan hin gin aaligar shabu ha ginbuhat nga buy-bust operation ha Brgy. Alta Vista, Ormoc City, Leyte, kakulop nga adlaw, Mayo 10, 2026, alas 3:02 han maagahon.
Ginkilala an mga drug suspect nga hira alyas “Ogie,” 30-anyos, ngan alyas “Mark,” 54-anyos nga driver; pareho mga residente han Ormoc City.
Ha mao nga operasyon, nakompiskar tikang ha mga suspek an siyam (9) kapakete hin gin aaligar shabu, P500 nga gin gamit kumo buy-bust money, sling bag, ngan duha nga ID.
Ginmarkahan naman ngan gin imbentaryo an mga narekober nga ebidensya ha lugar, ha presensya han mga gin imbitar nga testigo, subay ha mandato han balaud.
Samtang, gindedeterminar pa han Regional Forensic Unit 8 an ginbabana bana nga timbang nga han nakompiskar nga gin aaligar shabu. Gin aandaman na gihapon an pagpasaka hin kaangayan nga kaso kontra ha mga suspek.
Source: RMN Tacloban