Nagapasalamat ang alkalde sang banwa sang Hinoba-an, Negros Occidental nga luwas na sa katalagman ang mga sakay sang canter truck nga naaksidente sa Himamaylan City, Negros Occidental kahapon sang kaagahon, Abril 15.
Nahibaluan nga napulo ang sakay sang canter kalakip ang driver, samtang pito sa mga ini ang dancers nga nagpasakop sa Best of the Festival Dances Competition sang Panaad sa Negros Festival 2026 sang Abril 14.
Suno pa kay Hinobaan Municipal Mayor Daph Reliquias, gilayon siya nagpadulong sa Himamaylan City agud tsekyaron ang kahimtangan sang sakay sa canter truck.
Dugang pa ni Reliquias nagtawag siya sa konsehal sang Himamaylan City kag ginapasalamatan sini nga gilayon man narescue ang mga sakay sang canter truck.
Ginpahayag man sang alkalde nga na alang-alang overtake ang canter sa ginasundan sini nga salakyan bangod hinali ini nagpreno rason nga na-overshoot ang truck kag aksidente nakabunggo sa road signage.
May mga gindala man sa ospital para sa obserbasyon nga gilayon man nga napahanugutan nga makapauli.
Source: Bombo Radyo Bacolod