Opisyal nga gilunsad sa Dakbayan sa Bogo ang Brigada Eskwela 2026 uban sa padayong pagpakita sa suporta sa lokal nga panggamhanan ngadto sa mga magtutudlo ug tinun-an niadtong Hunyo 2, 2026.
Personal nga gibisita ni Mayor Mayel Martinez ang Guadalupe Elementary School aron motugyan sa mga suporta ug mosusi sa kahimtang sa tunghaan isip pagpangandam sa umaabot nga pagbukas sa bag-ong school year.
Padayon usab nga bisitahon sa LGU ang kapin sa 30 ka pampublikong tunghaan sa dakbayan aron matubag ang ilang mga panginahanglanon pinaagi sa Brigada Eskwela.
Gipasalamatan sa dakbayan ang mga magtutudlo, ginikanan ug mga estudyante sa ilang dedikasyon ug kooperasyon alang sa kalampusan sa edukasyon ug sa umaabot sa Bogo.