Usa na usab ka mahinungdanong kalampusan ang natala sa Cresen’s Agroforestry human opisyal nga gibendisyunan ug giablihan ang usa ka Agarwood Farm sa Catigbian, Bohol niadtong Mayo 31, 2026.
Ang maong proyekto nagtumong sa paghatag og dugang oportunidad sa mga kabus nga pamilya ug gagmayng mag-uuma pinaagi sa Agarwood Joint Venture Small-Scale Program, nga nagpalambo sa malungtarong panginabuhian ug pag-atiman sa kinaiyahan.
Gipangulohan ang kalihokan nila Elizabeth Madin, Cresen’s President ug CEO Dale Renacia, ug Mayor Oliva sa Catigbian uban sa suporta sa lokal nga panggamhanan, mga lider, kawani, ug mga tigpaluyo sa programa.
Lakip sa mga kalihokan ang motorcade, ribbon-cutting ceremony, farm blessing, misa, panagtigom, raffle draw, ug mga kultural nga pasundayag.
Gilauman nga ang agarwood farm mahimong tinubdan sa paglaom, panginabuhian, ug pagpreserbar sa kinaiyahan alang sa umaabot nga mga henerasyon.