Gin buhat ha Birawan National High School ngan Daram National High School ha bungto han Daram, Samar an simulation exercises for active shooter, shooting incident, stabbing and hacking spree, bomb threats, and related crimes.
Panuyo han simulation nga mapakusog an kaandaman, hibaru, ngan kapasidad hin pagbaton han mga estudyante, magturutdo, ngan mga staff han eskwelahan ha panhitabo hin active shooting incident, agud masiguro an katalwasan ha pag-aram.
Panuyo gihapun hini nga makita an kaandam han mga otoridad sugad han kapulisan, kasundaluhan, mga bombero, ug iba nga mga buhatan han gobyerno kaupod an mga opisyal han barangay ha pag responde ha mga sugad nga krimen.
Tumong gihapun han mao nga aktibidad nga mapakusog an kanan emergency response system han eskwelahan pinaagi ha pagkamay-ada hin madagmit nga decision making han mga school faculty, staff, ngan mga estudyante.
Gin buhat na mao nga simulation drill dida han Hulyo 1 subay ha Daram Municipal Police Station.
Katima han nahinabu nga shooting incident sakub han San Jose National High School dida han Hunyo 22, an Department of Education in nag siring nga kinahanglan nga magin kaparte ha mga aktibidad hitun mga eskwelahan an “active shooting drill” nga matutuk ha kun anu an mga kinahanglan buhatun kun may ada insidente hin panmusil sakub han mga eskwelahan.
Source: RMN Tacloban