Natapos na ang 120-day training program sang 26 ka narcotics detection dogs kag mga handlers sini para sa Narcotics Detection Dog (NDD) and Handlers Course sa Iloilo Police Provincial Office (IPPO).
Nahibaluan nga ang training ang nag-umpisa sadtong Enero 15 kag nagtakop sang Hulyo 6 sa diin tinutuyo sang ini nga programa amo ang mapasangkad ang border security, matapna ang drug trafficking, kag mapasangkad man ang anti-drug operations sa probinsya sang Iloilo.
Samtang, gintukod naman ang IPPO – Iloilo Provincial Government Narcotics Detection Unit (INDU) sa idalum sang liderato ni Provincial Director Colonel Bayani Razalan kaupod ang Iloilo Provincial Government.
Ang 26 ka detection dogs ang ginpondohan sang lokal nga panguluhan lakip na ang mga ido nga Jack Russell Terriers, Belgian Malinois, kag Beagles.
Source: #K5NewsFMIloilo