Nakasakmit sang ginabanta P136,000 nga ginapatihan shabu ang Bacolod City Police Office (BCPO) sa buy-bust operation sa Purok Lison, Barangay 1 sang aga sang Abril 8.
Naaresto sa operasyon si alyas “Oteng,” 34-anyos, matapos magbaligya sang isa ka sachet sang shabu sa poseur buyer. Narekober man ang dugang nga mga sachet nga may kabug-aton nga 20 gramos kag marked money.
Suno sa BCPO, ang suspetsado ang nakalista sa BADAC kag ginakabig street-level individual. Halin sa halos isa ka bulan nga surveillance antes ini nadakpan.
Padayon ang imbestigasyon sang kapulisan agud makilala ang iya ginhalinan sang ilegal nga droga. Ang suspetsado ang atubangon sang kaso sa paglapas sang RA 9165 kag yara karon sa kustodiya sang Police Station 2.
Source: Sun Star Publishing