Patay ang isa ka 47-anyos nga lalaki matapos mabungguan ang iya motorsiklo sang van sa Barangay Manipis, Tanjay City, Negros Oriental.
Suno sa pulis, ginlikawan sang biktima ang isa ka motorsiklo nga gulpi nagliko, apang nakasulod siya sa pikas lane kag nabungguan sang nagasugata nga van. Nalabog siya sa dalan kag gindeklarar nga dead on arrival sa ospital.
Ginkumpirmar nga wala siya nakahelmet kag wala man driver’s license. Padayon ang imbestigasyon.
Source: GMA Regional TV