Disi-syete nga residents han Regional Rehabilitation Center for Youth (RRCY) han Department of Social Welfare and Development an manilangpuson nga nakakompleto han ira pag-aram ha Junior ngan Senior High School.
Nakabulig han RRCY an Tanauan School of Arts and Trades (TSAT) ha pag aram han mga Children in Conflict with the Law (CICL) nga daku an bulig agud magka ada an mga kabataan hin access ha formal education nga daku an mabubulig ha pagpailarum nira ha rehabilitation.
Ha 17 nga mga kabataan, lima ha ira an nagtapus ha Senior High School samtang dose naman ha Junior High School, ug pira ha ira in kumarawat hin pasidungong sugad han academic honors, proficiency awards, ngan conduct awards.
Ha mensahe han valedictorian ha ira klase, iya gin sumat nga han una an iya pagkita han rehabilitation center in lugar nga magpupugong ha iya nga magkaada hin maupay nga kabubuwasun. Pero ha paglabay han mga panahon, iya nasabtan nga ini nga pasilidad in usa nga lugar nga naghahatag ha ira hin higayon agud mag bag-o ngan naghahatag hin ikaduha nga oportunidad basi maabut nira an ira mga ungara.
Samtang ha bahin han DSWD, an kamanilangpuson ha pag aram han mga CICL in nagpapakita han kaimportante han edukasyon ha proseso han rehabilitasyon, pero kinahanglan may ada sakto nga giya ngan suporta, agud an mga kabataan in magka may-ada higayon nga makatindog utro an ngan mapaupay an ira kinabuhi agud magin produktibo nga mulopyo nga nga nakakaghatag hin maupay nga kontribusyun ha ira komunidad.
Dugang pa han DSWD ngan an mao nga okasyun in nagpapakita han padayon nga paningkamot han ira buhatan ha paghatag hin ikaduha nga higayon ha mga kabataan nga mga at-risk, ngan ginpapakusog an pagtoo nga an pagbag-o ngan kalamposan posible pinaagi han kalooy, edukasyon, ngan padayon nga interbensyon.
PHOTOS CREDIT TO DSWD-8
Source: #RMNTaclobanNews