Nagresulta ha pagkaawat han kinabuhi han usa nga NPA leader an nahitabo nga engkwentro ha butnga han Communist Terrorist Group (CTG) ngan han mga tropa han 8th Infantry “Stormtroopers” Division ha kabukiran han Brgy. Caridad, Baybay City, Leyte, kakulop, September 8, 2026.
Nahitabo an engkwentro mahuman magresponde an mga kasundaluhan ha impormasyon tikang ha concerned citizen hiunong han presensya han nga armado nga indidbwal nga gin aaligar nangongolekta hin kwarta ngan pagkaon tikang ha mga residente han lugar.
Ha waray pag iha nga pagbalyuay hin buto, waray makatalwas an NPA leader nga hi Erwin Murillo Maceda alyas “Romnick” nga gintudlok kumo Vice Team Leader 1 han Island Committee (IC) Levox ilarom han Eastern Visayas Regional Party Committee (EVRPC).
Narekober gihapon han mga sundalo an usa (1) ka M16 rifle tikang ha lugar han engkwentro.
Sumala kan 802nd Infantry Brigade Commander Brig. Gen. Pompeyo Jason Almagro, hi Romnick ngan an grupo hin in gin aaligar dabi ha pira nga aktibidad kontra ha mga sibilyan ngan mga local officials, sugad han extortion, panarhog ha nga residente ngan business owners, ngan pag atake ha security installations han gobyerno.
Gintagan hin duon han 8th Infantry Division nga an panhitabo in nagpapadara hin klaro nga mensahe ha mga nahibibilin nga mga kaapi han CTG nga posible nagproproyba nga bumalik ha mga komunidad kun diin naestablisar na an kamurayawan ngan seguridad: nagtitikaguti an espasyo para ha armado nga samok, samtang nagpapabilin nga abrido an higayon nga makabalik hin mahimyang ha sibilyan nga kinabuhi para ha ira.
Utro nga panawagan han 8ID ha mga nabibilin nga miyembro hin CTG nga magsurender ngan bayaan na an armado nga kagiusan nga pilion nga bumalik ha piod han balaud.
Source: #RMNTaclobanNews