Gisusi kaganinang buntag ni Mandaue City Mayor Jonkie Ouano ug sa Secretary sa Department of Human Settlements and Urban Development, Engr. Jose Ramon Aliling ang Bayanihan Village sa barangay Guizo diin nahimutang ang gitukod nga Modular Shelter Units kon MSUs.
Ang maong mga units maoy temporaryong gipapuy-an sa mga molopyo sa dakbayan nga nabiktima sa trahediya og kalamidad.
Gisusi sa maong opisyal ang bag-ong gitukod nga MSU`s ingon man usab ang daycare center ug satellite offices sa mga ahensiya sa gobyerno sama sa DSWD, DOH ug training facility sa TESDA nga nahimutang sulod sa Bayanihan Village.
Ang Bayanihan Village gibutangan na karon ug perimeter fence aron luwas alang sa mga kabataan nga anaa sa maong komunidad.
Ang Mandaue giisip nga usa sa labing daku nga pilot sites dinhi sa Sugbo tungod sa kadaghan sa natukod nga MSU`s nga moabot ug 200 ka units.
Source: DYHP RMN