ILOILO CITY — Temporaryo nga gindala sa Police Station 7 sa City Proper ang tatlo ka estudyante nga naaktuhan nga nagagamit sang Mariujana sa sulod sang eskwelahan.
Suno kay Police Captain Jesus Cambay lll, Officer-in-Charge sang Police Station 7, maestra ang nakakita sa ginahimo sang tatlo sa CR sang ila eskwelahan.
Naga-edad sang 14-anyos, 15-anyos, kag 16-anyos ang mga estudyante, suno kay Cambay.
May lagsanay pa nga natabo, antes nakuha ang tatlo, makaligad nga nadakpan sila sang manunudlo.
Base sa imbestigasyon sang pulis, sa online nagbakal sang marijuana ang mga estudyante nga ila gingamit.
Na-recover sa tatlo ang isa ka “pipe” nga ginsudlan nila sang Marijuana.
I-turn over sa CSWDO ang tatlo para sa nagakaigo nga disposisyon.
Lantawon kon may yara sang discernment ang tatlo ka estudyante sa ila ginhimo.
Source: Aksyong Radyo IloIlo