Waray namomonitor nga bisan ano nga security threat an Philippine National Police (PNP) may kalabutan ha State of the Nation Address (SONA) 2026 ni Presidente Ferdinand R. Marcos Jr. yana nga Lunes, Hulyo 27.
Bisan pa hini, nagpapabilin nga alerto an PNP basi masiguro an seguridad ngan mapadayon an mamurayawon ngan organisado nga pagdumara han tinuig nga aktibidad. Sumala kan PNP Chief Police General Jose Melencio Nartatez Jr., igo na an kadamu han mga personnel ngan mga ginkikinahanglan nga resources nga nakapwesto na ha mga lugar nga may kalabutan ha SONA.
Labaw 20,000 nga mga police officer an igindepploy ha iba-iba nga bahin han Metro Manila basi masiguro an seguridad, labi na ha mga importante nga kalsada ngan mga lugar nga ginlalaoman nga magigin kabahin han aktibidad. Nakig-urosa liwat an PNP ha iba pa nga mga ahensya han gobyerno ha pagpatuman han mga pamaagi ha seguridad basi masiguro an mamurayawon ngan organisado nga pagdumara han SONA 2026.
“We all have the same goal of ensuring a peaceful and orderly SONA, and we all have the same commitment to deliver,” pahayag ni PGen. Nartatez Jr., sugad nga pagpasarig ha kahandaan han PNP ngan han mga kaabag nga ahensya ha pagtipig han seguridad durante hini nga importante nga nasudnon nga aktibidad.