Mikabat sa 124 ka LGU scholars ang nakadawat sa ilang mga sertipiko atol sa Graduation Ceremony, Isip timaan sa ilang malampusong pagtapos sa mga technical-vocational courses nga gitanyag sa TESDA pinaagi sa pakigtambayayong sa Local Government Unit (LGU) sa Poblacion Covered Court niadtong Hunyo 8, 2026.
Ang mga graduates nakakompleto sa ilang TESDA-accredited nga mga kurso sama sa Shielded Metal Arc Welding (SMAW) NC I ug NC II, Driving NC II, Automotive Servicing NC I, ug Housekeeping NC II.
Mitambong sa maong kalihokan si Mayor Gilbert M. Arrabis Jr. uban ni SB Member Simplicio Mantos, Chairperson sa Committee on Education, aron ipakita ang ilang suporta ug pagpasalamat sa dedikasyon ug kalampusan sa mga scholars.
Giawhag ni Mayor Arrabis Jr., ang mga residente nga pahimuslan ang mga scholarship program sa lungsod ug gipasiugda ang kahinungdanon sa skills development alang sa mas maayong oportunidad sa trabaho ug panginabuhi.