Waray lusot an upat nga mga drug suspect mahuman makuhaan hin gin aaligar shabu ha ginbuhat nga buy-bust operation han mga otoridad ha Brgy. Cuta, Barugo, Leyte, kakulop, June 12, 2026, alas 7:44 han gab-i.
Ginkilala an mga suspek nga hira alyas “Ron,” 41-anyos, “Sheila,” 41-anyos nga teacher, “Myrna,” 41-anyos, self-employed, ngan alyas “Naldo,” 34-anyos nga security guard, tanan mga residente han Barugo, Leyte.
Ha mao nga operasyon, nakumpiskar an lima (5) kapakete hin gin aaligar shabu, lima (5) ka hinigot nga plastic cellophane nga mayada gin aaligar shabu, P500 nga buy-bust money, P14,500 nga boodle money, usa (1) nga digital weighing scale, tulo (3) nga disposable lighter, usa nga plastic tray, nga usa ka rolled aluminum foil nga gin gamit kuno improvised burner.
Gin markahan naman ngan gin imbentaryo ha lugar an mga narekober nga ebidensya ha atubangan han mga suspek ngan han mga gin imbitar nga mga testigo.
Samtang, gintutudlok pa han Regional Forensic Unit 8 an timbang ngan kantidad han nakompiskar nga gin aaligar shabu. Gin aandaman na gihapon an pagpasaka hin kaangayan nga kaso kontra ha mga suspek.
Source: RMN Tacloban