Ginpapasundayag yana ha bungto han Carigara an iya riko nga kultura ngan kasaysayan pinaagi han pagpadayun han tradisyun han Kalsada ni Gara, usa han mga panguna nga atraksyon han ika-431th nga patron han bungto.
Napulo nga mga heritage-themed arches na makikita ha magkadirudilain nga kalsada ha town proper nga ginhimo han mga barangay ngan mga departamento han lokal nga pangobyernuhan.
Makikita an kasaysayan, tradisyon, ngan lokal nga mga produkto han bungto sugad han sundang, hubhub ngan iba pa nga gin dekorasyun ha pira nga mga arko.
Malili-aw an mga mabisita ha Carigara ha pagkikita ha mga arko labi na kun gab-i panahon nga gin pasigaan na an mga suga.
Sumala kan Mayor Eduardo Ong Jr., an inisyatiba in may panuyo nga mapauswag an tradisyonal nga dekorasyon han piyesta samtang ginpapasidunggan an han mga Carigaranon.
Gin buhat dida han Hulyo 10 an pre-judging han 10 na arko samtang yana nga Hulyo 15 naman an final judging.
Igseselebrar an patron han Carigara yana nga Hulyo 15-16, usa nga pagpasalamat ha ira patron an Holy Cross.
Source: RMN Tacloban