Malinampuson nga naaresto han mga otoridad an usa nga lalaki nga gintudlok kumo Top 3 Provincial Most Wanted Person ha ginbuhat nga Simultaneous Anti-Criminality Law Enforcement Operation (SACLEO) hadton gab-i han Hulyo 20, 2026, ha Brgy. Tibak, Santa Fe, Leyte.
Ginkilala an naaresto nga suspek ha alyas nga “Mikoy,” 39-anyos nga laborer, inasaw-an, ngan residente han Brgy. San Jose, Palo, Leyte. Hiya in naaresto pinaagi han Warrant of Arrest para han Acts of Lasciviousness nga mayada nakalataan nga P36,000 nga pyansa, ngan duha (2) ka kaso hin Rape in relation to Republic Act No. 7610, nga waray ginrekomendar nga pyansa.
Dida han pag aresto, ginpahibaro ha suspek an kinaiya han iya pagkaaresto, sugad man han iya mga konstitusyonal nga katungod ha yinaknan nga iya hul-os nasasabtan. Kataliwan in gindara ha Santa Fe Municipal Police Station para han sakto nga dokumentasyon ngan pagproseso antis maturnover ha kustodiya han issuing court.
Source: RMN Tacloban