Arestado ang Top 2 Most Wanted Person (MWP) ng Carmen Bohol sa magkatuwang na operasyon na ikinasa ng mga tauhan ng Carmen Municipal Police Station at 702nd Manuever Company RMFB 7 sa Buenos Aires, Carmen, Bohol noong ika-12 ng Agosto 2022.
Kinilala ang naaresto na si Oliver Irinco Calamba, 39, na naitala bilang pangalawa sa wanted list ng Carmen, Bohol.
Naaresto si Calamba bandang 9:30 ng umaga sa bisa ng warrant of arrest sa paglabag sa Section 11 ng RA 9165 o Comprehensive Dangerous Drugs Act of 2002 na inisyu ni Patsita Sarmiento Gamutan, Presiding Judge ng Branch 51, Regional Trial Court, 7th Judicial Region, Carmen, Bohol.