Arestado ang tatlong suspek habang kumpiskado naman ang tinatayang nasa PHP340K halaga ng shabu sa ikinasang buy-bust operation ng mga operatiba ng Philippine Drug Enforcement Unit 7 sa Sitio Missionaries Brgy. Suba, Cebu City nito lamang Sabado, Agosto 27, 2022.
Nadakip mula sa naturang operasyon ang mag-asawang sina Roberto Yburan, 32, at Maide Riza Yburan, 30, at ng isa pa nilang kasamahan na si Melvhin Chris Abeja, 35, parehong mga residente ng nabanggit na lugar.
Kabilang sa nasamsam sa mga suspek ang pitong(7) pakete ng hinihinalang shabu, na may bigat na 50 gramo at may estimated market value na PHP340K, isang black pouch, at buy-bust money.
Kasong paglabag sa Sec. 5, 11, at 26b Art. II ng RA 9165 ang isasampa laban sa mga suspek.